0 0
Ваша кошык пустая
RU

Гозэ: падсаліце ваша піва

Відавочна, што многія з нашых кліентаў на дадзены момант з'яўляюцца прасунутымі хатнімі піваварамі з дзесяткамі, а то і сотнямі варак за плячыма; ведаюць які піваварны солад і хмель выкарыстоўваецца для пэўнага стылю піва; якія штамы дрожджаў лепш падыходзяць для Ангельскага, а якія для Амерыканскага IPA... Напэўна, у лінейцы вашай «прадукцыі» можна адшукаць лагеры, разнастайныя элі, стаўты і портэры, саўры і допельбокі... Пералічваць можна бясконца. І гэта выдатна, паколькі расце ваша майстэрства, а разам з ім пашыраецца выбар вашага хатняга піва, якім вы можаце парадаваць сябе і сваіх сяброў. Сёння ж мы хацелі б сказаць некалькі слоў аб вельмі арыгінальным нямецкім стылі піва, які ў нашых краях пакуль яшчэ не набыў вялікай славы, нягледзячы на сваю тысячагадовую гісторыю. І імя гэтаму піву - Гозэ! Сустракаем і апладыруем. ;-)

Гозэ - гэта салёнае піва са стрыманым прысмакам каляндры (многія з вас, цалкам магчыма, ужо выкарыстоўвалі яго ў сваім хатнім піве). Як кажуць нямецкія легенды, гэта піва ўпершыню было зварана ў 1000 годзе нашай эры на беразе аднайменнай ракі Гозэ - і ў нашы дні гатуецца па традыцыйным рэцэпце «старажытных» бровараў.

Гістарычна адметнай рысай гэтага пшанічнага піва было спантаннае закісанне. Гэта значыць, піва спела ў адкрытых бутэльках з высокім рыльцам, дзе элевыя дрожджы выконвалі ролю корка. Сам напой варыўся, як мы ўжо адзначылі вышэй, з даданнем каляндры, а так сама і солі.

Зараз Гозэ вырабляюць бровары як «роднай» для яго Нямеччыны, так і многіх іншых краін Еўропы і Амерыкі.

Некаторыя «радыскі» перыядычна жартуюць, што Гозэ - гэта не сапраўднае піва, паколькі не адпавядае патрабаванням легендарнага «Закона аб чысціні піва»; на што атрымліваюць чОткі адказ: спадары, гэты напой з'явіўся на паў-тысячагоддзя раней гэтага самага закону. :-)

І каб наша чытво было не зусім бескарысным, прапануем вам рэцэпт піва ў стылі Гозэ, які вы зможаце апрабаваць у сваім хатнім міні-бровары (праўда, прыйдзецца замарочыцца - але пра гэта ніжэй).

Такім чынам, для падрыхтоўкі напоя (з паказчыкамі пачатковай шчыльнасці ў 10,5%) вам спатрэбяцца:

- солад піваварны ячменны Пільзнэр - 1.8 кг.,

- солад піваварны пшанічны - 1.8 кг.,

- солад піваварны кіслы Acid - 0.4 кг.,

- солад піваварны Пільзнэр недраблёны (!!!) - 100 грам.

Заціранне (на 12 літраў вады).

Першыя два солады дадаюцца ў нагрэтую да 65 градусаў Цэльсія ваду і вытрымліваюцца на працягу 60 хвілін.

Наступная паўза працягласцю 15 хвілін робіцца пры тэмпературы 72 градуса.

Далей 5-хвілінная паўза на 78 градусах.

Пасля ўсяго гэтага вам трэба будзе дадаць солад Acid і пачакаць да таго, пакуль затор ня астудзіцца да 48 градусаў.

Далей дадаем недраблёны солад Пільзнэр для закіслення і зачыняем бак. Пры гэтым мінімалізуем кантакт з паветрам (некаторыя півавары рэкамендуюць выкарыстоўваць харчовую плёнку).

І вось тут пачынаецца самае цікавае: усё гэта дабро, з якога атрымаецца будучае піва, трэба пакінуць у спакоі на суткі (24 ГАДЗІНЫ!!!) пры тэмпературы... НЕ ніжэй 40 (!!!) градусаў па Цэльсіі.

Справіліся з гэтым...

Далей усё па «класіцы»: фільтруем, прамываем і ставім на 60-хвіліннае кіпячэнне.

У самым яго пачатку дадаем 10 грам хмеля Tradition (раз ужо рэцэпт "традыцыйны").

Дадалі хмель, тут жа дадаем і неёдаваную соль (15 грам) і каляндру (свежазмолатая - 20 грам).

Для закісання рэкамендуецца выкарыстоўваць нейтральныя элевыя штамы, напрыклад, піўныя дрожджы US-05 або аналагі.

Каб пазбегнуць з'яўлення лішніх эфіраў, рэкамендуецца праводзіць закісанне пры максімальна нізкай тэмпературы, дапушчальнай для таго ці іншага штаму (для дрожджаў US-05 - гэта 12-15 градусаў па Цэльсіі).

Па карбанізацыі і разліву ў бутэлькі дасведчанаму хатняму бровару парады без патрэбы. :-)

Застанецца толькі пачакаць і адкаркоўваць бутэлькі з вашым уласным півам Гозэ!

Бяры ды вары!

А солад, хмель і піўныя дрожджы ў шырокім асартыменце вы заўсёды знойдзеце ў краме Хатні Бровар.


Ліпень 30, 2019 16:39